Svan 3.0

2 dagar

Þetta er skrýtnast í heimi. Það eru tveir dagar í það að ég fer út...og ég er að fatta það fyrst núna einhvernvegin að ég sé að fara að yfirgefa landið. Ég er búinn að vera hálf melankólískur í allan dag því ég á eftir að sakna alveg ótrúlega margs hérna heima. Það sem held ég hafi aðallega fengið mig til að fatta þetta í morgun var það að fólk var ótrúlega mikið að kveðja mig í gær og svo er búið að rigna yfir mig símtölum frá ættingum og kunningjum í dag til að kveðja...

Kveðjupartýið í gær fór annars einstaklega vel og ég að minnsta kosti skemmti mér konunglega (fyrir utan þá staðreynd að ég varð kannski "aðeins" of drukkinn). Ég hafði það einhvernvegin á tilfinningunni að ég væri að sitja mína eigin erfidrykkju, stemmingin var einhvernvegin þannig. En mér sýndist fólk skemmta sér bara nokkuð vel, það vantaði reyndar nokkra en ég kveð þá bara sérstaklega :)

Bendt er farinn út. Fór í morgun klukkan korter í átta. Ég veit satt að segja ekkert hvernig málin verða með nettengingu þarna úti, ég vona að það verði netsamband í íbúðinni annars mun ég bara eiga heima á einhverju netkaffihúsinu í grenndinni nokkra klukkutíma á dag... :þ

Svan