Svan 3.0

Ævintýri í eldhúsinu

Mér tókst næstum því að kveikja í mér í fyrradag. Síðan þá hefur tvennt í viðbót gerst. Í fyrsta lagi þegar ég og Bendt elduðum okkur "chicken with twelve legs" eins og Bendt komst að orði þá tókst honum að gera návkæmlega sama hlut og ég, það er að skilja eitthvað eftir ofan á þessari helvítis grind. Nema að hann skildi eftir pottaleppa og þeir brenna náttla ekki, en þessi hann sviðnaði og kom frekar vond lykt. Við vorum búnir að spá í hvaða lykt þetta væri en áttuðum okkur ekki neitt á því, og svo þegar maturinn var til búinn í ofninum þá tekur Bendt upp pottaleppan og stingur hendinni inn í hann og brennir sig náttla. Ekkert alvarlega, en litliputtinn er allur í hnjaski.

Svo í dag þegar ég var að elda mér pizzu í "nýja" ofninum mínum (eldgamall ofn, vígðum hann í gær með tólf lappa kjúklingnum) þá setti ég hann ofan á einhverja grind úr plasti sem var inn í ofninum. Þar sem þessi grind var actually *inn í* ofninum þegar ég fékk hann frá Bendt þá gerði ég nú ráð fyrir að það væri hægt að hafa hana *inn í* ofninum þegar hann væri að elda eitthvað, en nei. Hún bráðnaði. Það var mjög gaman að ræsta út (í þriðja skiptið á þremur dögum) og svo líka að skafa plastið af pizzubotninum mínum.

Svan