Svan 3.0

Hvað eru þeir eiginlega með mörg stafróf þarna?
Og til hvers?

Þeir eru með þrjú. Híragana sem er upprunalega Japanska stafrófið og er notað fyrir japönsk orð og er það um 40-45 stafir. Svo er það Katagana sem eru sömu hljóð og Híragana en er notað fyrir vestræn orð. Munurinn á Hiragana og Katagana er sá að Katagana er sveigjanlegra, til dæmis er nafnið mitt skrifað "SUvaN" á Katagana, s.s. eins og það hljómar ("u-ið" er frekar silent" á meðan ef það væri skrifað á Hiragana þá væri það SUAN, sem er bæði rangt framburðalega séð, sem og að þessi aukastafur "V" er ekki með. Katagana er það sama og Híragana, 40-45 tákn og er ekki nema eitt tákn sem er það sama meðal þessara letra ("BE")

Kanji er letrið sem var fengið frá Kína, eflaust í einu af hinum fjölmörgu stríðum sem hafa geisað á milli þjóðanna. Það eru tákn sem standa fyrir marga Híragana karaktera. Kanji eru þessi virkilega flóknu tákn sem maður sér í japönsku skrifmáli, hin letrin (s.s. þessir 80-90 stafir) eru frekar auðveldir í uppbyggingu. Einhverstaðar heyrði ég það að til þess að geta lesið dagblað þá þyrftirðu að kunna 1500-2000 Kanji tákn.

Við fórum í heimsókn í barnaskóla í nágrenninu um daginn, og fórum inn í fimmta bekk (11 ára börn). Þau voru ennþá að læra stafi. Voru að læra Kanji. Búin að vera að "læra að skrifa" í einhver fimm ár. Gefur manni smá hugmynd um hversu mikið þetta er.